Në stres për shkak të koronavirusit, ministri gjerman i jep fund jetës

Ministri i Financave në landin e Assia në Gjermani, Thomas Schafer është gjetur i pajetë pranë shinave të linjës hekurudhore në rajon e Hochheim.

Vdekja e papritur e numrit një të financave të këtij Landi ka shokuar opinonin publik. Zyrtarisht ende nuk janë bërë të ditura shkaqet e kësaj ngjarje. Besohet se shqetësimet për të ardhmen e rajonit e kanë mbingarkuar politikanin 54-vjeçar të demokristian.

Schäfer la pas gruan dhe dy fëmijët e tij. Në një version të parë të artikullit mbi vdekjen e tij, gazeta “Faz” citoi një letër lamtumire në të cilën Schäfer nuk do ta përmendte direkt virusin, por përcaktoi të ardhmen sociale dhe ekonomike të shtetit si “të pashpresë”. Më pas, gazeta vendosi të hiqte letrën e lamtumirës nga faqja e internetit, por ajo vazhdon të qarkullojnë në mediat sociale, shkruan Panorama.

Guvernatori Bouffier kujtoi i emcoionuar se Schäfer ishte i zënë “ditë e natë” me krizën aktuale dhe shtoi se “duhet të supozojmë se ai ishte shumë i shqetësuar për përmbushjen e pritjeve të mëdha të popullatës – veçanërisht në frontin e ndihmës. Duhet të supozoj se këto shqetësime e kanë sforcuar atë. Ai me sa duket nuk pa më rrugëdalje. Ai ishte i dëshpëruar dhe na la”.

Disa ditë më parë, duke folur në parlamentin e Hesse-s, Schäfer e përshkroi epideminë si sfidën e shekullit për të gjithë botën.