LIGJET E BIZNESIT
Beteja me koronavirusin e ri, COVID-19 është futur në fazën e saj më kritike. Nga Kina, në Iran, Itali dhe tani në SHBA, ky virus e ka mposhtur gjithë botën, duke paralizuar jetën në disa prej qendrave më të mëdha urbane.
Deri më tani janë mbi 32 mijë viktima në mbarë botën dhe numri i të infektuarëve rritet me mijëra cdo ditë.
Me Kinën që duket se është fazën e fundit të pushtimit nga virusi, epiqendra e COVID-19 është përqendruar në SHBA.
Deri mesditën e kësaj të diele, në SHBA numërohen më shumë se 124 mijë qytetarë të prekur nga ky virus, prej të cilëve 2231 e kanë humbur jetën.
Ndërkohë, Italia është e dyta për numrin e të prekurve, por e para sa i takon viktimava, pasi shifra kaloi 10 mijë e 200 persona që kanë humbur jetën për shkak të koronavirusit.
Gjendja paraqitet kritike edhe në Spanjë, Iran dhe Francë, që gjithashtu kanë një numër të lartë të infektuarish dhe vitimat rriten me qindra ccdo ditë.
Edhe Anglia pritet që të jetë shteti i radhës që do të vihet në gjunjë përballë këtij virusi.
