Personat që po përballen më shumë dhe në mënyrë direkte me koronavirusin padyshim janë bluzat e bardha.
Njëri prej tyre, mjeku i njohur infeksionist Tritan Kalo ka dhënë një recetë optimiste për të gjithë qytetarët shqiptarë, ku nuk ka harruar të përdorë dhe nota humori, për të hequr disi tensionin e krijuar nga kjo pandemi.
“Një recetë mbarëkombëtare. 24 mars 2020 ora 21:00. Në këtë kohë “covidiane” na duhet edhe pak optimizëm gastronomik.
Jeni të mirëpritur miq e shokë, kuptohet nëse jua lejon qeveriu, daljen në këtë orë, që të konsumojmë sa është ende e ngrohtë këtë pjatë me përbërës mbarëshqiptarë: trahana Lunxhërie, bukë shtëpie me miell katunarije, suxhuk pikant prizreni, vaj ulliri berati e patosi përzier, pluhur speci të kuq nga gramshi, djath dele konispoli, ujë selite, kripë narte si dhe duart e shkathëta të një djali me përzierje genike Elbasani dhe Gjirokastre.
Mos t’ju lëshojë zemra bashkëkombasit e mi.Ne bashkë do t’ia dalim mbanë!!!!”, shkruan Kalo.
