Greqia zgjohet nga tërmetet, rrënohen disa banesa dhe plagosen dy persona

Mëngjesin e sotëm shteti fqinj është goditur nga një tërmet. Sipas informacioneve nga mediat greke, tërmeti ka qenë me magnitudë 5.6 i shkallës Rihter.

Instituti Gjeodinamik i Athinës deklaroi se epiqendra ishte 14 km në lindje të qytetit Parga, në rajonin e Thesprotia, në një thellësi prej 10 km.

Tërmeti është ndjerë edhe në jug të vendit tonë. Sipas raportimeve në Greqi janë rrënuar disa ndërtesa në qytetin e Kanalaki, si dhe janë plagosur dy persona.

Pas këtij tërmeti, janë regjistruar edhe dy të tjerë, me magnitudë 5.4 dhe 4.3 të shkallës Rihter, të cilat mendohen të jenë pas-lëkundje.

Përmes një postimi në rrjetet sociale, drejtori i Institutit Gjeodinamik të Athinës Research, sizmologu Gerasimos Chouliaras tha se tërmeti pritej. Ndërkohë  u bëri thirrje qytetarëve që të mos shqetësoheshin.

“Ne jemi duke ndjekur evolucionin e tërmetit me madhësi 5.6 me madhësi Richter në Parga nga rrjeti sizmologjik i Institutit Gjeodezik. Tërmeti në Greqinë perëndimore do të pritej nëse i mbani mend postimet e mia në lidhje me lutjet në Parga dhe Karditsa muajve të fundit dhe asnjë lëkundje në shkallë më të madhe nuk parashikohet në këtë kohë, për të mos u shqetësuar”,- shkruante Chouliaras në postimin e tij.