LIGJET E BIZNESIT
Ditën e sotme Partia Demokratike ka publikuar një letër, ku kompania telefonike ka hetuar të vërtetën e mesazhit të pretenduar se është dërguar nga kryetari i Partisë Demokratike Lulzim Basha, për gazetaren Eni Vasili, gjatë kohës që kryeministri Edi Rama po fliste në studion e emisionit “Open”.
Në letër thuhet se mesazhi është dërguar nga një platform e huaj dhe është vendosur si identitet numri i kreut të opozitës.
Gjithashtu aty theksohet se SMS-ja nuk është gjeneruar nga numri i klientit Lulzim Basha.
“SMS nuk është dërguar nga Lulzim Basha apo nëpërmjet sistemit të kompanisë celulare.
SMS është dërguar nga një platformë e huaj SMS në internet për dërgimin e SMS-ve, jashtë rrjetit të kompanisë celulare”, thuhet në letrën e kompanisë celulare.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Për këtë ka reaguar edhe Sekretari i Përgjithshëm i PD, Gazment Bardhi, i cili thekson se po përdoren lojra të pista për të sulmuar opozitën.
“E vërteta është më e qartë dhe e pastër se çdo lojë e pisët apo maskë e skaduar. Le ta shohin dhe gjykojnë vetë shqiptarët se kush e ka mendjen tek pushteti dhe përdor mesazhe të sajuara kundër kreut të opozitës. Me qëllimin e vetëm, të largojë vëmendjen nga propozimi ynë që ndihmon realisht qytetarët dhe biznesin për të përballuar krizën. ?”, thekson Bardhi.
