Për të gjithë shqiptarët që ndodhen aktualisht në Danimarkë vjen një lajm jo i mirë.
Mësohet se shërbimi i këtij vendi për emigracionin nuk do të marrë parasysh periudhën e tejkalimit të vizës afat-shkurtër, në rast se nuk keni pasur mundësi ta lini vendin për çfarëdo lloj shkaku.
Njoftimin e bën me dije Ministria e Punëve të Jashtme, ku ndër të tjera shtohet se nuk është e mundur tё aplikohet pёr shtyrje vize afat-shkurtёr pasi Shёrbimi Danez i Emigracionit do tё jetё i mbyllur.
NJOFTIMI ZYRTAR I MEPJ
Ministria për Evropën dhe Punët e Jashtme informon të gjithë qytetarët që ndodhen në Danimarkë, se Shërbimi Danez i Emigracionit ka vendosur të mos marrë parasysh periudhën e tejkalimit të vizës afat-shkurtër, në rast se qytetarët nuk kanë pasur mundësi të lenë Danimarkën, për shkak të anullimit të fluturimit, ose shkaqe të tjera që i kanë detyruar të qendrojnë në shtetin danez.
Por, MEPJ gjithashtu bën me dije se nuk ёshtё e mundur tё aplikohet pёr shtyrje vize afat-shkurtёr pasi Shёrbimi Danez i Emigracionit do tё jetё i mbyllur.
Qytetarët nuk do të mund të aplikojnë as online, pranё Policisё Daneze.