Një episod i pazakontë ka ndodhur mbrëmjen e djeshme në studion e programit “Open” me drejtuese Eni Vasilin.
Sipas Vasilit, kryetari i Partisë Demokratike Lulzim Basha ka dërguar një sms me një kërkesë të habitshme për kryeministrin Rama, gjatë kohës që ky i fundit po fliste në lidhje direkte.
Një gjë e tillë habiti dhe vetë Ramën pasi gazetarja lexoi mesazhin që supozohej të ishte i Bashës.
Ai është shprehur se nuk ka mundësi të jetë Basha ai që e dërgon këtë SMS.
Në mesazh thuhet se lideri demokrat i kërkon Eni Vasilit ta pyesë kryeministrin Edi Rama nëse është i gatshëm të japë dorëheqjen dhe drejtimin e qeverisë ta marrë Basha.
(Kryedemokrati Lulzim Basha i ka dërguar një mesazh moderatores Eni Vasili duke thënë se nuk është ai që ka nisur mesazhin e parë, dhe ka kërkuar të sqarohet çështja se kush e ka dërguar mesazhin).
DIALOGU NE EMISION:
Eni Vasili: Më shkruan zoti Basha, pyete zotin Rama, a është i gatshëm të japë dorëheqjen dhe të ma kalojë mua drejtimin e qeverisë?
Edi Rama: Ja urdhëro, urdhëro. Po je e sigurtë që është ai personalisht?
Eni Vasili: Po bazuar në komunikimet e mëparshme, ai është…
Edi Rama: Nuk duhet t’ja vëmë re se mesa duket është në gjumë dhe e shtyp tastierën duke parë ëndërra. Si mund ta bëjë këtë pyetje
Edi Rama: Unë them që dikush i ka marrë telefonin se s’ka mundësi. Është e pamundur. Ai është në autobuz
Eni Vasili: Një sekondë, më duhet ta them edhe këtë. Basha më shkruan: “Eni Sapo më informuan, nuk kam çuar asnjë mesazh dhe emisionin nuk e ndiqja. Herë tjetër kontrollo zyrat e propagandës se është bërë shkelje.”
Eni Vasili: Edhe njëherë nuk e di se si ka ardhur ajo SMS.