Drejtoresha e Tatimeve zbulon se kush po abuzon me cmimet ne treg

Mbi 200 ankesa kanë mbërritur në adresë të Drejtorisë së Përgjithshme të Tatimeve, ndërsa institucioni ka arritur të kryejë kontrolle në 130 subjekte deri tani, pas raportimeve për rritje abuzive të çmimeve që prej nisjes së zbatimit të masave për parandalimin e përhapjes së koronavirusit.

Drejtoresha e Përgjithshme e Tatimeve, Delina Ibrahimaj, tha se kontrollet janë kryer kryesisht në sektorin e fruta-perimeve, produkteve farmaceutike dhe furrat e bukës.

Tregtarët me pakicë ia faturojnë rritjen e çmimeve grosistëve, diçka që Ibrahimaj thotë se është e vërtetë. “Sigurisht që rritja ka ardhur nga grosistët, ka pasur një rritje artificiale dhe për këtë arsye komisioni i posaçëm në Ministrinë e Financave do të vendosë penalitetet. Sigurisht që nuk janë tregtarët me pakicë që kanë impaktuar rritjen e çmimeve, por janë grosistët”, tha ajo në një intervistë ekskluzive për A2 Business Week./A2CNN