Ndalimi i fluturimit të avionëve brenda për brenda Europës, ka shkaktuar shumë pasoja ndër udhëtarë.
E gjithë kjo situatë e shkaktuar nga koronavirusi, ka futur në telashe edhe aleatin e Lulzim Bashës dhe të PD, kreun e partisë Agrare Ambientaliste Agron Dukën.
Ai shprehet se ndodhet i bllokuar në Gjermani në pritje për tu kthyer në Shqipëri, por nuk ja ka dalë dot.
“Kam nja katër ditë këtu. Nuk është problemi se janë anuluar fluturimet. Avioni nisej në 7:25, u bë chek-ini. Po kompania ka anuluar fluturimin. Jam folur dhe me ambasadorin Kuko, i cili u angazhua dhe me rezulton se nuk ka mbyllje të fluturimeve. Por kjo kompania, që është lëë cost, edhe pse ishte i mbushur ky avion, ka anuluar fluturimin dhe ka mbyllur dhe telefonat. 270 pasagjerë ndodhen këtu. Ishte linjë direkte për Tiranë. Ishte i planifikuar. Ky ishte një nga aeroportet që udhëtonte. Kjo është çudi. Kjo kompani ka mbyllur telefonin dhe nuk mund të kontaktojë njeri. Ky ngërç e ka krijuar kompania.” , është shprehur Duka në një lidhje me News 24.