“Ja kur është plani për rikthimin në shkollë” Ministrja Shahini del me njoftimin e rëndësishëm për nxënësit e mësuesit

Ministrja e Arsimit Besa Shahini e ka nisur ditën sot me një mesazh të rëndësishëm për të gjithë nxënësit e mësuesit.

Ajo ka bërë me dije se mësimi do të fillojë me datë 23 mars dhe shton se aktualisht po diskkutohet që të shtyhet pas kësaj date.

Shahini thekson se nëse është e nevojshme procesi i mësimit do të shtyhet sërish përtej datës 23 mars.

Ministrja ka një kërkesë gjithashtu për të gjithë mësuesit dhe prindërit që të punojnë tashmë përmes rrjeteve sociale.

“Një vendim që nuk është marrë ende, por nëse merret, ne do të jemi të gatshëm që mësuesit t’i orientojmë drejt një vlerësimi që mund të bëhet përmes rrjeteve sociale, i cili do t’i mundësojë mësuesve të vlerësojnë nxënësit e njohuritë e tyre që kanë arritur deri në këtë pikë dhe të mund të vijojnë pastaj mësimin e zakonshëm pas kthimit në shkollë. Por, kjo është diçka që do t’ju informojmë më shumë ditët në vijim kur të marrim vesh nëse do ta kemi të nevojshme ta shtyjmë procesin e mësimit nga shtëpia përtej datës 23 mars.

Duam që të na sillni modelet e punës suaj në mënyrë që të krijojmë një udhëzues për të gjithë mësuesit me format më të mira dhe më praktike të punës mes mësuesve dhe nxënësve”, shprehet ajo.