LIGJET E BIZNESIT
Deputeti i PS Florenc Spaho, i cili i është përgjigjur pozitivisht thirrjes së Ministrisë së Shëndetësisë që të japë kontributin e tij si mjek për koronavirusin në një lidhje live për rubrikën “Opinion” deklaroi se do të vinte dhe jetën e tij në dispozicion të humanizmit.
Më tej Deputeti ka deklaruar se po ofrohet që të japë kontributin e tij sepse e ka për detyrë 2 herë, si deputet por edhe si profesionist.
Ndërkohë Spaho bën me dije se ka përfunduar fizioterapi dhe infermieri ndërsa u shpreh se ka 12 vjet eksperiencë pune.
Fjala e Deputetit Spaho:
”Si çdo person i cili ka mbaruar ose është profesionist duhet të japë kontributin në këtë situatë. Ne kolegët duam të japim kontribut. Po ofrohemi jo si deputetë dhe pse e kemi detyrë dy herë edhe si deputetë por edhe si profesionistë.
Kam mbaruar fizioterapi dhe infermieri dhe kam 12 vjet eksperiencë pune.
Do të vija dhe jetën time në dispozicion të humanizmit. Nuk do të thoja që studentët e vitit të parë apo të dytë do të jenë në front por ata të vitit të 6, spitalet private apo në pension.
Do të jetë një kontribut i madh jo vetëm ata të mjekësisë, por edhe ata të logopedisë, infermierisë etj. Përderisa në Shqipëri ka kaluar disa herë epidemi dhe ka solidaritet mes njerëzve, është një shenjë edhe me tërmetin që e kaluam atë për shkaqe natyrore. Duke u solidarizuar do e kalojmë edhe këtë situatë, duke dhënë kontributin gjithsecili.
Jo vendi jonë por çdo shtet tjetër qësi Italia nuk mund ta bëjë nëse nuk kontribujonë të gjithë individët dhe qytetarët”, tha Deputeti Spaho.
