Vdekja e të moshuarës nga koronavirusi, kjo është ARSYEJA pse mjekët nuk u infektuan

Ditën e djeshme në Shqipëri u shënua dhe rasti i parë i vdekjes nga koronavirusi.

Viktima ishte një grua e moshës 73-vjeçare, e cila humbi jetën në spitalin e Durrësit.

E moshuara vuante nga disa sëmundje, dhe pak kohë më parë kishte qenë dhe në Itali.

Ajo ishte e shtruar në pavionin e patologjisë, dhe ndodhej në dhomë bashke me dy paciente të tjera.

Ndërkohë pasi viktima rezultoi pozitive, u vu alarmi pasi mjekët ishin pa masa mbrojtëse sepse nuk ishin në dijeni që ajo mbante virusin.

Por pavarësisht panikut të krijuar, rezultoi se asnjë nga 50 mjekët dhe infermierët e spitalit të Durrësit nuk rezulton i infektuar, as dhe pacientet që ndodheshin në të njëjtën dhomë.

Detaji që ka mbrojtur stafin mjekësor është pikërisht maska e oksigjentit që e moshuara ka mbajtur gjatë kohës që ndodhej e shtruar në spital.