Ministrja Manastirliu paralajmëroi se qeveria pret qindra raste me koronavirus në Shqipëri në ditët në vijim.
Manastirliu tha se nëse nuk i zbatojmë rregullat ndaj këtyre masave do të vendoste në rrezik sistemin shëndetësor, pasi mund të çojë në pikën që spitalet nuk do të përballojnë dot fluksin e të infektuarve.
Pjesë nga fjala e Manastirliut:
“Parashikojmë disa qindra të prekur në Shqipëri, dhe ne duhet të sigurohemi që ata të marrin kujdesin e duhur. Por nëse nuk i zbatojmë rregullat, vendos në rrezik sistemin shëndetësorë sepse nuk arrin dot të përballojë fluksin që do të shkojë në spitale. Sistemi nuk duhet të jetë i përgatitur vetëm për rastet e koronavirus, por edhe rastet e tjera, sa më shumë të zbatojmë masat që qeveria merr, aq më me pak kosto do ta kalojmë këtë. Një thirrje edhe për mjeket dhe infermierët, kujdesuni dhe mos abuzoni me mjetet mbrojtëse. Një personel që do të na duhet shumë, por secili nga ne duhet ta ruaj dhe të kontribuojë në ruajtjen e vetes dhe personelit mjekësor. Ne do të bëjmë çështë e mundur që të ruajmë shëndetin e qytetarëve të pacenuar”, tha Ministrja Manastirliu.
