A gënjeu mjeku i QSUT se është vetëkarantinuar? Ministrja Manastirliu i publikon fotot me veshje mbrojtëse: Nuk e di çfarë e ka shtyrë mjekun…

Megjithatë, mjeku Ilir Allkja vetëm një ditë më parë ka postuar fotot e tij me veshje mbrojtëse.

Manastirliu thotë se nuk e di çfarë e shtyu mjekun të bëjë atë denoncim, por akuzon Bashën për “abuzim me publikun” duke nxjerrë videon mjekut të QSUT.

Reagimi i Ministres Manastirliu:

Lulzim Basha sapo abuzoi përsëri me publikun, duke nxjerrë videon e një mjeku të QSUT, me pretendimin që ishte i papajisur me veshjen mbrojtëse apo me “pajisjen mbrojtëse”, siç e quajti! Nuk e di çfarë e ka shtyrë mjekun në fjalë të thotë që s’ishte i pajisur me veshjen speciale. Nuk e di në cilën gjuhë të botës mund t’i thuhet Lulzim Bashës, që kjo që po bën përditë është skandaloze, e turpshme, kriminale! Por di që kjo foto është postuar nga vetë mjeku që u prezantua sot nga Lulzim Basha, njësoj si “1.2 milion maskat helmuese” që dje!