Zyrtare/ OBSH shpall koronavirusin pandemi botërore

Organizata Botërore e Shëndetit ka thënë që koronavirusi tashmë mund të klasifikohet si një pandemi.

“Kjo është e para pandemi që shpallet nga një koronavirus”, tha kreu i OBSH Tedros Adhanom Ghebreyesus.

Deri më tani në të gjithë botën 4.300 persona kanë humbur jetën, ndërsa 121.061 të tjerë janë konfirmuar si të infektuar.

Një nga shtetet më të prekura është Italia, ku deri më tani 631 persona kanë humbur jetën dhe të infektuar janë 8.514 persona. Edhe në vendin tonë është shënuar viktima e parë.