“Erjon, shiko nga dritarja se si betonieret e Deltës kanë bllokuar hyrjen e IKV”

Të mbyllësh sytë kur paligjshmëria qëndron pak metra larg zyrës tënde (në kuptim e parë të fjalës) dhe për më shumë kur je një drejtues Policie, atëherë ka vërtet diçka që nuk shkon.

I tillë është rasti me shefin e Komisariatit të Policisë Rrugore Tiranë, Erjon Ahmeti. Përballë zyrës së tij, këndon paligjshmëria: Betoniere, që janë mjetë të tonazhit të rëndë, qarkullojnë në qytetet duke sjellë bllokim të qarkullimit në zonë.

Skena ndodh përballë zyrës së shefit të Qarkullimit të Tiranës në Kinostudio, ku betonierët e kompanisë “Delta”, janë angazhuar në punimet për një pallat në ndërtim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Jo vetëm që qarkullimi i tyre në këtë zonë është i ndaluar sipas legjislacionit në fuqi, por bllokon dhe qarkullimin. Dhe jo vetëm të mjeteve, por betonierët kanë bllokuar plotësisht edhe hyrjen në Institutin e Kërkimeve Veterinare.

Dhe e gjitha kjo ndodh vetëm pak metra larg zyrës së shefit të Komisariatit të Policisë Rrugore, Erjon Ahmetit./ boldnews.al