Përfshihet nga flakët banesa në qendër të Tiranës, brenda një fëmijë

Një shtëpi private është përfshirë nga flakët mëngjesin e sotëm në qendër të Tiranës.

Ngjarja ka ndodhur në rrugën e Dibrës, në pjesën ku kryqëzohet me rrugën e Barrikadave.

Sipas informacionit që jep policia e kryeqytetit, banesa që është përfshirë nga flakët është në pronësi të shtetasit K.A, ku brenda ishte dhe një fëmijë por që për fat të mirë policia ka arritur ta nxjerrë jashtë.

NJOFTIMI ZYRTAR I POLICISE

Më datë 11.03.2020, rreth orës 07:05, në rrugën e “Dibres” në kryqëzim me rrugën e “Barrikadave”, ka rënë zjarr në banesën 1-katëshe të shtetasit K.A, ku ishte një fëmijë brenda, i cili u nxor në menyrë të menjehershme nga punonjësit e Komisariatit Nr.4, dhe ndodhet në gjendje të mirë shendetsore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në vendngjarje gjithashtu ndodhen forcat zjarrfikëse, ku u bë e mundur dhe fikja e zjarrit. Nga zjarri nuk ka pasoja në njerëz, vetëm deme materiale.

Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.