Koronavirusi/ Policia e Shtetit vihet në lëvizje, zbardhet urdhëri i rreptë i Ardi Veliut

Në kuadër të të gjitha masave kundër koronavirusit, mësohet se drejtori i Përgjithshëm i Policisë së Shtetit Ardi Veliu u ka dërguar një telegram të gjitha drejtorive vendore që të mos lejohet grumbullimi masiv i njerëzve në ambiente të hapura dhe të mbyllura.

Kështu, ky dokument ka mbërritur në të gjitha Drejtoritë Vendore të Policisë në rrethe, dhe sipas informacioneve këto aktivitete janë:

• Lokale, pube, bilardo, e palestra
  2-Aktivitete sportive e kulturore, konferenca, seminare
  3- Moslejimin e grumbullimeve për ndeshjet sportive
  4- Grumbullime si tubime, manifestime, parakalime etj.

Po ashtu një tjetër urdhër i Veliut e ngarkon Policinë me përgjegjësinë që mos lejojë tifozët të futen në stadiume dhe të ndjekin ndeshje futbolli pasi ato do të luhen rregullisht por pa tifozë.

Ndër të tjera, me urdhër të Ardi Veliut kërkohet të merren masa për instruktimin e personelit policor për zbatimin e masave të mësipërme dhe kontrollin periodik të situatës.