Gruaja me koronavirus në gjendje të rëndë në spitalin e Durrësit

I ftuar në studion e “Opinion”, mjeku Pëllumb Pipero ka folur për situatën e pacientes së shtruar në spitalin e Durrësit.

Ai tha se gruaja në fjalë është një rast i rëndë dhe se të gjithë kontaktet me të do dalin pozitiv.

“Është me tub dhe frymëmarrje të drejtuar. Është një rast i rëndë. Nuk kam të dhëna se sa vonë i është bërë analiza. Nëse personi ka pasur histori udhëtimi është bërë gabim që analiza nuk i është bërë më shpejt. Nëse mjekët janë ekspozuar pa mjete mbrojtëse kanë bërë gabim. Kini parasysh që mjekësia nuk është shkencë ekzakte, edhe ne bëjmë gabime. Po bëhet gjurmimi i të gjitha kontakteve. Unë besoj se të gjithë do dalin pozitiv por t’ja lëmë kohës,”– tha Pipero.