Ka nisur sërish mbledhja e qeverisë përsa i përket situatës së krijuar në vend pas konstatimit të 10 rasteve të personave të prekur nga koronavirusi.
Kryeministri Edi Rama ka bërë thirrje për të gjithë qytetarët që të respektojnë rregullat dhe mos rrezikojnë jetën e tyre dhe të tjerëve duke thënë se nuk i gjen gjë, se janë “malësorë” apo “labë”.
“Të gjithë sëbashku duhet të bëjmë cmos që të kufizojmë dëmet e shëndetit tonë. Kjo nuk është një luftë, ku vihet në pah tërësia e virtyteve njerëzore që lidhen me trimërin e guximin, pasionin për lirinë. Kjo është një luftë me një armik të padukshëm, i cili hyn në trupin tonë, duke kërcënuar jetën e të moshuarve. Kjo do të thotë se mund të jesh malësor ose lab, në këtë rast ky armik nuk pyet as nga vjen dhe as ça historie ke, por godet”, deklaroi shefi i qeverisë.
