E rëndë/ Gjendet i pajetë një 44-vjeçar në Durrës

Një ngjarje e rëndë ka ndodhur ditën e sotme në Fermë, në Sukth të Durrësit.

Mësohet se një 44-vjeçar me iniciale E.K është gjetur pa shenja jete, në orën 13:15 afër rrugës dytësore Fllakë-Sukth.

Nga mbikëqyrja paraprake e trupit të viktimës nuk konstatohen shenja dhune.

Ndërkohë policia ka mbërritur në vendin e ngjarjes dhe po vijon hetimet e mëtejshme.

NJOFTIMI ZYRTAR I POLICISE

Durrës/Informacion paraprak

Më datë 10.03.2020, rreth orës 13:15, në Fermë Sukth, është gjetur i vdekur në afërsi të rrugës dytësore Fllakë-Sukth shtetasi E.K.,44 vjeç.

Nga këqyrja paraprake nuk janë konstatuar shenja dhune.

Grupi hetimor ndodhet në vendngjarje dhe po punon për zbardhjen e ngjarjes.

Më pas policia ka nxjerrë një sqarim të dytë ku jep detaje në lidhje me shkakun e vdekjes.

“Në lidhje me njoftimin për shtetasin E.K.,44 vjeç, që u gjend i vdekur në rrugën dytësore Fllakë-Sukth, ju informojmë që nga veprimet e para hetimore dyshohet që ka ndodhur nga shkaqe natyrale, si  përdorimi i një sasie të lartë alkooli”, thuhet në njoftim.