Denoncimi i PD për maskat e skaduara, vjen reagimi urgjent i Ramës: Nuk ndalen…

Kryeministri Edi Rama ka reaguar menjëherë pas denoncimit të Partisë Demokratike, ku u tha se disa maska të shpërndara nëpër institucionet shëndetësore janë të skaduara që prej vitit 2001.

Kështu Rama i përgjigjet me tone të ashpra duke thënë se vetëm një palë maska janë të dëmshme në Shqipëri, ato të atyre që kur dhe ky vend është në luftë me jetën nën gërmadhat e tërmetit apo me një virus kërcënues, nuk ndalojnë së kërkuari pushtet.

“Ka vetëm një palë maska të dëmshme në Shqipëri: Maskat e atyre që dhe kur ky vend lufton me jetën nën gërmadhat e tërmetit apo me një virus kërcënues për planetin, s’ndalen së kërkuari pushtet me shpifje, sherr, rrëmujë! Po përsëri Shqipëria do t’ia dalë sepse shqiptarët s’janë vetëm!”, thekson Rama.