Për të gjithë ata që kanë bërë plane, moti sjell lajme jo dhe aq të mira.
Kështu, mësohet se fundjava do të vijë me reshje shiu, ulje temperaturash, madje dhe dëborë në disa zona të caktuara.
Ndërsa ditën e sotme, moti do të mbizotërohet nga alternime kthjellimesh dhe vranësirash që do të shtrihen në të gjithë territorin.
Pasdite, këto vranësira do të intensifikohen duke sjellë reshje, dhe në zonat malore do të vinë në formën e dëborës.
Dita e diel pritet të jetë me kthjellime, ndërsa të hënën pasdite do të rikthehen reshjet e shiut.
Parashikimi nga Meteoalb bën me dije se temperaturat do të pësojnë një rënie të lehtë ku do të variojnë: në zonat malore, nga -1ºC në 11ºC, në zonat e ulëta nga 04ºC në 17ºC dhe në zonat bregdetare nga 08°C në 18ºC.
Era do të fryejë në drejtim Jugor, ndrësa forca e valëzimit në det pritet të jetë deri në 6 ballë.
