LIGJET E BIZNESIT
Dhuna në familje është kthyer në një shqetësim serioz për shoqërinë shqiptare, ku nuk kanë munguar as pasojat fatale me viktima. Ky fenomen është një ndër shkaktarët kryesorë i cili po çon shumë çifte drejt divorcit.
E tillë ishte dhe historia që u trajtua gjatë mbrëmjes së sotme në emisionin “Dua të të bëj të lumtur”, ku personazhi kryesor Ermira kishte kaluar një kalvar të madh vuajtjesh. Ermira në studio rrëfeu se ishte martuar me mblesëri dhe se me kalimin e kohës kishte kuptuar që ish-bashkëshorti i saj pinte shpesh dhe ishte i dhunshëm.
Pavarësisht dhunës fizike dhe psikologjike të ushtruar, Ermira kishte vazhduar martesën e saj për shkak të 3 vajzave që kishte sjellë në jetë. Gjithashtu ishte diagnostikuar me tumor në kokë dhe i ishte nënshtruar ndërhyrjeve kirurgjikale. Edhe pas gjendjes së saj, ish-bashkëshorti nuk kishte ndryshuar sjellje, por nën presionin e të afërmve ai kishte vendosur që të divorcohej.
Ermira tregon se forcën më të madhe për të përballuar sëmundjen e kishte gjetur tek tre vajzat e saj. Ajo kishte ftuar në program vajzat e saj, Gridën, Ersën dhe Kiarën për t’i falenderuar dhe për t’iu shprehur dashurinë. “Ju jeni arsyeja që jam akoma gjallë. Do më keni gjithmonë pranë dhe dijeni se ju dua shumë!”,- tha Ermira.
Në fund programi “Dua të të bëj të lumtur” në bashkëpunim me Fondacionin “Golden Eagle” i dhuruan Ermirës dhe vajzave të saj një çek për të paguar qiranë e shtëpisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
