Saimir Tahiri këmbëngul për pafajësi, Apeli vendos datën: Ja kur do të mbahet seanca e parë

Rikthehet edhe njëherë në vëmendje dosja e ish-ministrit të Brendshëm Saimir Tahiri.

Kështu, seanca e parë në Gjykatën e Posacme të Apelit, në ngarkim të tij do të mbahet më datë 12 mars në orën 09:30.

Pasi Gjykata e Shkallës së Parë për Krime të Rënda e dënoi me 5 vite burg, por duke i zbritur 1/3 e dënimit për shkak të gjykimit të shkurtuar, në fund dënimi u konvertua në 3.5 vjet shërbim prove, Saimir Tahiri nuk u ndal me kaq, por iu drejtua Apelit duke kërkuar pafajësi.

Kujtojmë se Gjykata e dënoi Saimir Tahirin vetëm për akuzën e shpërdorimit të detyrës, duke rrëzuar kështu akuzat e ngritura nga Prokuroria e Tiranës për trafik droge dhe grup të strukturuar kriminal.

Gjykata bëri një rikualifikim të akuzave dhe e shpalli atë fajtor vetëm për akuzën e “shpërdorimit të detyrës”.