LIGJET E BIZNESIT
Pas të gjithë kaosit, alarmit që ka përfshirë botën nga koronavirusi i rrezikshëm kinez, mesa duket ka një tjetër lajm të mirë.
Mësohet se një ekip studiuesish të Universitetit të Queensland në Australi kanë arritur të krijojnë kandidatin e tyre të parë për vaksinën e koronavirusit ‘COVID-19’ dhe do të nisin menjëherë zhvillimin e mëtejshëm përpara testimit zyrtar para-klinik.
Qëllimet kryesore të studimeve para-klinike janë përcaktimi i dozës së sigurt për testimin te njerëzit dhe vlësimi i profilit të sigurisë së një produkti.
Kjo punë e kryer në këtë laborator është në gjendje të tregojë se teknologjia e përdorur nga studiuesit mund të krijojë një vaksinë kandidate.
Gjëja pozitive është se kjo vaksinë mund të arrijë të njihet më lehtë nga imuniteti dhe shkakton një përfgjigje mbrojtëse të këtij sistemi.
Ky është një hap shumë i rëndësishëm në luftën kundër epidemisë së koronavirusit pasi siç thotë edhe zv/kancelari i Universitetit ajo është krijuar në një kohë shumë të shpejtë.
Profesor Peter Høj tha që ekipi ka treguar përparim të konsiderueshëm në përputhje me kornizën kohore shumë të përshpejtuar të programit të reagimit të shpejtë, dhe orët e gjata në laborator janë shpërblyer me këtë arritje.
“Ende ka testime të shumta për të siguruar që kandidati i vaksinës është i sigurt dhe krijon një reagim efektiv imunitar, por teknologjia dhe përkushtimi i këtyre studiuesve do të thotë që pengesa e parë është kaluar”, tha profesori Høj.
Faza tjetër është që vaksina kandidate të prodhohet në një shkallë më të madhe të nevojshme për testime shtesë, për të përcaktuar efektivitetin e tij kundër virusit.
Linku ne origjinal: https://www.businesstoday.in/current/world/coronavirus-australian-scientists-develop-vaccine-candidate/story/396700.html
