Pas depozitimit në SPAK të kallëzimit për ministren e Drejtësisë Etilda Gjonaj të cilën e akuzon për shpërdorim detyre, në një prononcim të shkurtër, presidenti Ilir Meta është pyetur edhe nga gazetarët se nëse do të mbajë protestën e parashikuar me 2 mars, nëse në vend do të konfirmohet ndonjë rast koronavirusi.
Menjëherë presidenti nuk ka ngurruar të përgjigjet duke thënë se rreziku më i madh që i kanoset vendit është murtaja që mban emrin Rilindje.
‘Më 2 mars të gjithë shqiptarët në bulevard në Tiranë për të bërë të qartë se janë me kushtetutën jo me presidentin Ilir Meta, shqiptarët nuk do tolerojnë më askënd të dhunojë kushtetutën që e miratuan me referendum. Rreziku më i madh është murtaja që quhet rilindje’, është shprehur Presidenti.
