Një tjetër person humb jetën nga koronavirusi në Itali, shkon në 5 numri i viktimave

Rëndohet bilanci i viktimave në Itali për shkak të koronavirusit.

Mësohet se një tjetër person ka humbur jetën, duke e çuar kështu numrin e vdekjeve në 5.

Sipas autoriteteve italiane, ka ndërruar jetë një 88-vjeçar nga Lodi.

Prej ditësh i moshuari ishte prekur nga virusi i rrezikshëm dhe nuk ka mundur të mbijetojë.

Kujtojmë se orët e para të mengjesit një tjetër i moshuar i moshës 84-vjec humbi jetën në Bergamo.

Në Itali deri më tani gjithsej janë të prekur 213 persona nga koronavirusi.

Më shumë se 50 000 njerëz në Lambardi dhe Veneto janë në karantinë, ndërsa shkollat, zyrat publike dhe jo publike janë mbyllur dhe të gjitha aktivitetet publike janë anuluar.