Policia e Durrësit ka arrestuar sot në mëngjes një 43-vjeçar pasi qarkullonte me armë zjarri.
Bashkë me të, ka rënë në pranga dhe një 28-vjeçar, i cili akuzohet për moskallëzim krimi.
Mësohet se i arrestuari është shtetasi me inicialet R.F., 43-vjeç dhe S.H., 28 vjeç, të dy banues në Manzë. Policia ishte informuar në rrugë operative për një shtetas që qarkullonte me armë zjarri.
Kështu, gjatë kontrolleve në mjetin tip “Audi” në pronësi të shtetasi S.H., në sediljen e pasagjerit ku ndodhej shtetasi R.F., në një çantë dore, është gjetur dhe sekuestruar në cilësinë e provës materiale një armë zjarri tip “Beretta” dhe 23 fishekë.
Për vijimin e hetimeve, Policia e Durrësit ia kaloi dosjen hetimore Prokurorisë për veprën penale “Armëmbajtja pa leje”, për të cilën parashikohet burgim deri në 7 vjet.
