Itali/ Shënohet viktima e parë nga koronavirusi (Emri)

Në Itali, shënohet viktima e parë me koronavirus. Në bazë të raportimeve të mediave italiane, mësohet se italiani Adriano Trevisan 78 vjeç, ka ndërruar jetë në spitalin Schiavonia të Padovës.

Pas këtij lajmi guvernatori i rajonit të Venetos Luca Zaia deklaroj se spitali Schiavonia  ku po kurohej viktima do të mbyllet e brenda 5-6 ditëve do të boshatiset e gjithë struktura.

Deri më tani në Itali numri i të prekurve nga koronavirusi ka shkuar në 16. Ndërsa në të gjithë botën ka arritur në 2236 numri i personave që kanë humbur jetën dhe 75 të mijë janë të infektuar.

Së fundmi Rusia ka marrë vendimin në datën 20 shkurt duke mbyllur çdo kufi që e lidh me Kinën.

Përveç Rusisë shumë shtete kanë marrë masa për të parandaluar çdo rrezik të mundshëm.