Një ashensor i një pallati është shkëputur ditën e sotme duke lënë për pasojë një vajzë të lënduar.
Ngjarja ka ndodhur në “Don Bosko”, pasditen e sotme. Ende nuk dihet identiteti i vajzës së plagosur apo gjendja e saj shëndetësore.
Sipas policisë, ngjarja ka ndodhur rreth orës 16:25 ku ashensori ka rënë nga kati i parë në bodrum, e për pasojë ka mbetur e lënduar një vajzë 24-vjeç e cila ndodhej brenda.
Vajza është transportuar menjëherë në spital, ndërkaq policia ka nisur hetimet për ngjarjen.
