Një aksident me pasojë një të plagosur ka ndodhur mbrëmjen e sotme në qytetin e Korçës. Ngjarja ka ndodhur në afërsi të segmentit të Voskopojës.
Sipas informacioneve paraprake nje mjet ka dalë nga rruga dhe është përplasur me murin.
Policia dhe ambulanca kanë shkuar në vendin e ngjarjes dhe bëhet me dije se është një i plagosur.
Akoma nuk dihet gjendja e drejtuesit, ndërsa policia ndodhet në vendngjarje për të zbardhur shkaqet dhe rrethanat e aksidentit.
Si fillim dyshohet se shkak i këtij aksidenti është lagështira në rrugë si pasojë e motit të keq që mbërtheu juglindjen e vendit mëngjesin e sotëm.
