Xhamajka e njeh pavarësinë e Kosovës

Xhamajka këtë të enjte ka njohur Republikën e Kosovës si sovrane dhe të pavarur.

Presidenti i Kosovës, Hashim Thaçi përmes një postimi në rrjetin social Twitter ka bërë me dije se  Xhamajka e ka njohur pavarësinë e Kosovës.

“Lajm i mirë. Sa jam njoftuar nga ambasadorja jonë Vlora Çitaku se Xhamajka e ka njohur Republikën e Kosovës si sovrane dhe të pavarur. E di se kjo është rezultat i punës së zellshme dhe lobimit disa vjeçar, duke përfshirë edhe kongresmenin Eliot Engel. Punë e mirë. Faleminderit miqtë e dashur nga Kingston”, shkruan Thaçi.