“Betohu që po thua të vërtetën!” Këshilltari nuk i bindet Metës

Presidenti i Republikës së Shqipërisë Ilir Meta i kërkoi këshilltarit të tij ligjor, Bledar Dervishajt që të betohej para të gjithë shqiptarëve se po thoshte të vërtetën pas publikimit të fakteve të reja, në lidhje me atë që Meta e quan “puç”. Dervishaj nga ana tjetër tha se nuk kishte nevojë që të betohej pasi procesverbalet i ka publikuar vetë Ardian Dvorani.

Pjesë nga biseda:

Ilir Meta: Mund të nxirrja edhe kolegë të tjerë por Dervishajt ka qenë në çdo mbledhje të KED. Betohu që po thua të vërtetën përpara të gjithë shqiptarëve?

Bledar Dervishaj: Edhe po të mos betohem unë, i ka nxjerrë Dvorani të gjithë procesverbalet

Ilir Meta: A ka ndonjë nga anëtarët e KED që të thotë të kundërtën?

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Bledar Dervishaj: Jo nuk ka.

Ilir Meta: Tamam nga Vlora…

Ndërkaq, Presidenti Meta doli sot në një deklaratë për mediat, në të cilën publikoi fakte të reja për atë që ai e quan “grusht shteti”. Kujtojmë që një ditë më parë, i bëri thirrje popullit që më 2 mars të dalë në bulevardin “Dëshmorët e Kombit”, kundër asaj që e quan “grusht shteti”. Meta tha se më 2 mars do të firmosë dekretin e parë përballë popullit në Bulevard për të shpartalluar grushtin e shtetit. Kreu i shtetit u shpreh se grushti i shtetit po bëhet nga qeveria dhe kryeministri Edi Rama, pasi po shkelet Kushtetuta me ndryshimin e ligjit për betimin e gjyqtarëve. Ai nënvizoi se në relacionin që shoqëron projektligjin, KED, Magjistratura dhe Komiteti i Helsinkit nuk kanë dhënë fare mendim ose kanë qenë kundër për këtë çështje.