LIGJET E BIZNESIT
Pas paralajmërimit që bëri sot presidenti Ilir Meta se më 2 mars do të mbledhë popullin shqiptar për të shpartalluar regjimin e oligarkëve, përpara godinës së Kryeministrisë, (lexo këtu) ka ardhur dhe reagimi i ministres së Shtetit për Marrëdhëniet me Parlamentin, Elisa Spiropali.
Ajo ka nisur të sulmojë Metën, duke u shprehur se ideja për grushtin e shtetit ka nisur në kokën e Ilirit që kur nisi Reforma në Drejtësi.
REAGIMI I PLOTE I ELISA SPIROPALIT
1/Pyetja sot s’është pse Presidentit i ka dalë gjuha jashtë kontrollit dhe s’ka më asnjë kontroll mbi Ilir Metën. Kjo dihet. Pyetja është pse Ilir Meta priti Konferencën e Donatorëve për ta ribërë leckë Presidentin! Keqardhja për Presidentin ka sosur. Ajo për I.Metën s’ka të sosur!
2/Zoti e ndihmoftë Ilir Metën se Presidentin s’e ndihmon dot më as Luli!
Populli jo e jo. Sa për grushtin e shtetit, ai ka nisur në kokën e Ilirit qysh kur nisi Reforma në Drejtësi dhe do të vazhdojë sa herë që në konsensus me SHBA/BE ne miratojmë ligje që atij i duken grushta.
