Telefonata alarmon policinë, kapet 38-vjeçari, hyri i armatosur brenda në lokal

Policia e Durrësit ka arrestuar një 38-vjeçar paraditen e sotme, pasi mbante armë zjarri pa leje.

Ka qenë një qytetar i cili sapo ka pikasur personin në fjalë, ka telefonuar policinë.

I arrestuari është parë të futet në lokal me armë zjarri.

Në cilësinë e provës materiale, shtetasit A.S., iu sekuestrua arma e zjarrit tip pistoletë. Materialet i kaluan Prokurorisë së Rrethit Gjyqësor Durrës për veprën penale “Armëmbajtja pa leje”, për të cilën parashikohet dënimi deri në 7 vite burg.

NJOFTIMI ZYRTAR I POLICISE

Shërbimet e Komisariatit të Policisë Durrës, në bashkëpunim me forcën “Shqiponjat”, pas telefonatës së marrë në sallën operative të DVP Durrës se në ambientet e një lokali ndodhej një person i armatosur, organizuan punën dhe menjëherë shkuan në adresën e dhënë nga qytetari.

Shërbimet e Policisë arrestuan në flagrancë shtetasin A. S., 38 vjeç, banues në Durrës, pasi pas kontrollit fizik të ushtruar ndaj këtij shtetasi, Policia gjeti dhe sekuestroi në cilësinë e provës materiale një armë zjarri pistoletë “Ekol”, të cilën e mbante pa leje.

Materialet i kaluan Prokurorisë së Rrethit Gjyqësor Durrës për veprën penale “Armëmbajtja pa leje”, për të cilën parashikohet dënimi deri në 7 vite burg.