Tronditet Kosova/ Masakër në familjen shqiptare, policja vret prindërit, 2 vëllezërit dhe veten

Një ngjarje shumë e rëndë ka ndodhur në Gjilan, Kosovë.

Mësohet se një oficere policie në Kosovë, ka vrarë prindërit, dy vëllezërit e më pas veten.

Por masakra nuk është ndalur me keq, pasi në fund vajza ka vrarë edhe veten, pasi qëlloi gjithë familjen me armë.

NJOFTIMI I PROKURORISE SE GJILANIT

Prokuroria Themelore në Gjilan, Departamenti për Krime të Rënda, njofton se sot rreth orës 13h, nga një zyrtare policore janë vrarë 4 persona – anëtarë të familjes së saj dhe në fund e njëjta ka kryer vetëvrasje.

Sipas informatave të para, dyshohet se në lagjen ‘’Bujanina’’, në Gjilan, e ndjera V.B., zyrtare policore, në kuadër të Stacionit Policor në Gjilan, me armë zjarri ka privuar nga jeta dy prindërit dhe dy vëllezërit e saj, ndërsa, pastaj ka kryer vetëvrasje.

Në vendin e ngjarjes menjëherë kanë dalë policia, prokurori i rastit dhe ekipa mjekësore, të cilët edhe kanë konstatuar vdekjen e tyre, ndërsa me urdhër të prokurorit trupat e të njëjtëve do të dërgohen për obduksion, në Institutin e Mjekësisë Ligjore, në Prishtinë.

Rasti është duke u hetuar, ndërsa për detajet e tjera do të informoheni me kohë.