Filmi “Shpia e Agës”, fiton katër çmime në Egjipt

Filmi i metrazhit të gjatë, “Shpia e Agës”, ka fituar katër çmime në Egjipt.

Këtë e ka bërë të ditur, aktorja e njohur kosovare, Shengyl Ismaili përmes rrjetit social Facebook.

“Super lajm, pikërisht në 12 vjetorin e lirisë së Kosovës. Një film që trajton dhimbjet e Kosovës…”Shpia e Ages”, fiton 4 çmime në Egjipt”, ka shkruar ajo në Facebook.

“Shpia e Agës”, me skenar dhe regji të Lendita Zeqirajt, trajton historinë e një 9-vjecari, i cili mëson serbisht nga Zdenka, një grua e nacionalitetit tjetër në mënyrë që ta gjejë babain e tij, për të cilin mendon se gjendet në burg në Serbi.

Në këtë film luajnë aktorët e njohur: Arti Lokaj, Rozafa Çelaj, Adriana Matoshi, Shengyl Ismaili, Melihate Qena, Basri Lushtaku, Rebeka Qena, Molikë Maxhuni, Egla Ceno e shumë të tjerë.

Filmi “Shpia e Agës” është bashkë-prodhim në mes Kosovës, Kroacisë, Francës dhe Shqipërisë me shtëpitë prodhuese: N’ART FILMS mbështetur nga Qendra Kinematografike e Kosovës.