Një tjetër protestë në Fier, kësaj radhe nga naftëtarët e Ballshit. Qindra punonjës të rafinerisë së përpunimit të naftës në Ballsh kanë hyrë në ditën e pestë të protestës së tyre për marrjen e rrogave të prapambetura dhe rikthimin në punë të 900 punonjësve të kësaj rafinerie. Punëtorët shprehen se kane 5 muaj pa u paguar për punën që kanë bërë nga firma që ka në përdorim rafinerine. Pas protestës se radhës të zhvilluar paraditen e sotme, naftëtarët kanë deklaruar se do te futen ne greve urie nëse nuk u jepet zgjidhje dy kërkesave të tyre për pagat dhe rikthimin e punonjësve te shkarkuar.
“Jemi të zhgënjyer, duam zgjidhje afatgjatë. Nëse nuk marrim zgjidhje do hyjmë në grevë urie. Greva e urisë do jetë pa afat. Duam të dimë çfarë do bëhet me fatin tonë. Kemi detyrime, duhet të shlyejmë energjinë elektrike. Kemi fëmijët në shkollë, javës tjetër duhet të paguajmë këstin. Greva e urisë është e pashmangshme sepse ne duam zgjidhje për problemet tona. Të thuash falimentoi nafta, ku në gjithë botën trondit tregjet financiare këtu ka pikëpyetje. Duam të shlyejmë pagesat e prapambetura. Kemi dalë të kërkojmë bukën e fëmijëve tanë e që dinjiteti i naftëtarit të mos nëpërkëmbet më”, deklaruan naftëtarët.
Mes kompanisë dhe punonjësve të Ballshit nuk është arritur një marrëveshje. Punonjësit futen në grevë urie duke përkrahur edhe punonjësit e Pocemit. Gjatë takimit të zhvilluar sot në orën 14:00, në Fier me kompaninë administruese të unazës, ata paralajmëruan se nëse nuk do të marrin pagat deri në orën 14:30, do të futen në grevë. Ne takim është thëne se mund të nënshkruajnë kontrate të re pune nga një marsi pa njohur borxhet e prapambetura. Punëtorët nisin grevën e urisë në mjediset e qendrës shëndetësore që ndodhet pranë uzinës. Ata janë futur me forcë në ambientet shëndetësore ku pritet të nisë greva.
