LIGJET E BIZNESIT
Në konferencën e jashtëzakonshme për shtyp që zhvilloi sot në presidencë, Kreu i Shtetit Ilir Meta lëshoi akuza në drejtim të Ardian Dvoranit, pasi e cilësoi veprimtarinë e tij si kriminale dhe kërkoi nisjen e hetimeve.
Por Meta nuk është ndalur vetëm te akuzat ndaj kreut të KED, ai gjithashtu ka vënë në dukje dhe shkeljet e kryeparlamentarit Gramoz Ruci, përsa i përket miratimit të ndryshimeve ligjore në lidhje me betimin e anëtarëve të Gjykatës Kushtetuese.
Presidenti u shpreh se edhe pse Ruci kërki një opinion nga Komisioni i Venecias për emërmiet e GJK, të enjtën që lamë pas ai pranoi kalimin e një ligji që heq kompetencat e Kreut të Shtetit.
“Në rast se Presidenti nuk organizon ceremoninë e betimit, çfarë mekanizmi duhet të përdoret? Cilat mund të ishin zgjidhjet më të mira ndërkombëtare kur organi më I lartë i ngarkuar me ligj, refuzon ta bëjë?
Mirë po çfarë bëri?
Venecia i konfirmoi Kuvendit se do të dërgonte një komision faktmbledhës.
Kuvendi në mënyrë më të pabesë, ndërkohë që Venecia kishte mbërritur në Tiranë, vetëm disa orë para takimit, voton në seancë plenarë në errësirë projektligjin për shtesa e ndryshime mbi funksionimin e Gjykatës Kushtetuese atë proces të ligjit që rregullon procesin e betimit të gjykatësve të Kushtetueses.
Përmbajtja e këtij ligji dhunon nenin 129 të Kushtetutës dhe të gjitha parimet e balancimit të pushteteve. Votimi është një tjetër atentat i rëndë i mazhorancës ndaj Kushtetutës për kontrollin mafioz të Gjykatës Kushtetuese.
Kjo nuk do të pranohet kurrë nga presidenti.
Ky nxitim në panik i mazhorancës për të vënë para faktit të kryer Venecian, që e kishte ftuar para dy muajsh, është një fyerje shumë e rëndë që i bëhet KE-së, Venecias në veçanti dhe ambasadorëve që i kërkuan thirrjen e Venecias.
Me këtë veprim mazhoranca ka ftuar një komision të nderuar si Venecian dhe nga ana tjetër e ka zhvleftësuar atë mision.
I kërkoj ndjesë Venecia që u keqpërdor nga mazhoranca në funksion të realizimin final të grushtit të shtetit dhe i siguroj se nuk do të pranoj instalimin e grushtit të shtetit dhe kthimin e Gjykatës Kushtetues në një polici të shtetit PPP”, u shpreh Meta gjatë fjalës së tij.
