LIGJET E BIZNESIT
Në prangat e policisë së Tiranës ka rënë një 54-vjeçar pasi kërcënoi se do të vriste me pistoletë gruan dhe 3 fëmijët e tij.
Mësohet se ai është Osman Memaj, i cili akuzohet se ka ushtruar dhunë fizike dhe psikologjike në mënyrë sistematike ndaj bashkëshortes dhe fëmijëve.
Policia ka ndërhyrë duke parandaluar kështu një krim në familje, pasi 54-vjeçari u kap në flagrancë me pistoletë në dorë dhe me fishek gati për qitje.
NJOFTIMI ZYRTAR I POLICISE
Finalizohet nga Komisariati i Policisë Nr. 1, operacioni policor “Befasia”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Parandalohet një ngjarje e rëndë kriminale në familje.
Kërcënonte me pistoletë për t’i vrarë bashkëshorten dhe tre fëmijët, por ndërhyrja e befasishme e Policisë parandalon ngjarjen, duke vënë në pranga autorin.
Sekuestrohen dy armë zjarri, tritol, municion luftarak e një thikë.
Specialistët e Seksionit për Hetimin e Krimit në Komisariatin e Policisë Nr. 1 Tiranë, me marrjen e njoftimit se në fshatin Gurrë e Vogël, të Njësisë Administrative Petrelë, një shtetas po kërcënonte me armë zjarri bashkëshorten dhe tre fëmijët, në banesë, menjëherë organizuan punën dhe në kuadër të operacionit policor të koduar “Befasia”, bënë kapjen në flagrancë të shtetasit: O. M., 54 vjeç, banues në Gurrë të Vogël, Tiranë.
Ky shtetas, në mënyrë sistematike ushtronte dhunë fizike dhe psikologjike ndaj bashkëshortes së tij dhe 3 fëmijëve të tyre dhe në momentin e ndërhyrjes së Policisë, 54-vjeçari u kap me pistoletë në dorë, me fishek në fole gati për qitje duke kërcënuar bashkëshorten dhe tre fëmijët për t’i vrarë.
Shërbimet e Policisë kanë ushtruar kontroll të imtësishëm në banesë dhe gjatë kontrollit gjetën dhe sekuestruan dy armë zjarri (pistoletë e pushkë), një sasi fishekësh luftarak për pistoletë dhe për pushkën, tre kallëp tritoli dhe një thikë.
Materialet i kaluan Prokurorisë së Rrethit Gjyqësor Tiranë, në ngarkim të shtetasit O. M., për veprat penale “Dhuna në familje”, “Armëmbajtja pa leje”, “Prodhimi, mbajtja, blerja apo shitja pa leje e armëve të ftohta”.
