Kryedemokrati Lulzim Basha, së fundmi ka nisur dhe një komunikim në rrjetin social Instagram. Këtë komunikim, fillimisht Basha e nisi me të rinjtë duke iu drejtuar se “çfarë do të bënin nëse do ishin për një ditë Ministër Arsimi”.
Ndërsa theksoi se ka prioritetin e tij planin për rritjen e cilësisë së arsimit. Ndërkaq, pas nismës “Po të Dëgjoj”, ku Basha shkon në çdo shtëpi apo biznes, ky është hapi tjetër i Bashës për të marrë mendimet dhe sugjerimet e qytetarëve.
“Ky është komunikimi ynë i parë në Instagram dhe do të doja të dija mendimet tuaja për shumë çështje. Por le të nismim me problemet e rinisë. Nëse do të drejtonit ministrinë e Arsimit për një ditë, cili do të ishte vendimi që do të merrnit për të përmirësuar jetën e të rinjve në Shqipëri?”, shkruan Basha.
