Emërohet drejtori i ri i Teatrit të Kukullave.
Me vendim të Këshillit të Ministrave, është vendosur se këtë post do ta mbajë aktori i njohur i humorit Agim Bajko.
Prej disa kohësh, Bajko njoftoi se programi i tij në Vizion Plus, “Bypass Shoë” do të mbyllej.
Por mesa duket mosangazhimi i tij nuk ka zgjatur shumë.
Vendimi i qeverisë:
Vendim për emërimin në detyrë të drejtorit të Qendrës Kombëtare të Kulturës për Fëmijë dhe Teatrit të Kukullave
Në mbështetje të nenit 100 të Kushtetutës dhe të pikave 1 e 3, të nenit 9, të ligjit nr.10352, datë 18.11.2010, ‘Për artin dhe kulturën’, të ndryshuar, me propozimin e ministrit të Kulturës, Këshilli i Ministrave
VENDOSI:
- Agim Bajko emërohet Drejtor i Qendrës Kombëtare të Kulturës për Fëmijë dhe Teatrit të Kukullave.
Ky vendim hyn në fuqi menjëherë dhe botohet në ‘Fletoren zyrtare’.
