Nuk ndalet OFL, ultimatumi i rradhës për 2 ‘të fortë’, kush janë personazhet e njohur në Elbasan

Ditën e sotme Operacioni Forca e Ligjit ka zbuluar dy personat e tjerë të vënë nën shënjestër të cilët duhet të deklarojnë pasurinë.

Mësohet se ata janë Kamer Mehja si dhe një tjetër i dënuar me iniciale E.SH, të dy banues në Elbasan.

Personat në fjalë kanë 48 orë kohë për të deklaruar pasurinë dhe burimin, përndryshe do tu sekuestrohet.

Ata kanë patur probleme me drejtësinë, pasi rezultojnë të dënuar për trafik lëndësh narkotike në Angli.

NJOFTIMI ZYRTAR I OFL

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në kuadër të Aktit Normativ nr. 1, datë 31.01.2020, OFL u ka dërguar kërkesat për vetëdeklarim të pasurisë, shtetasve:

– K. M., me banim në Elbasan, i dënuar në Angli për trafik të lëndëve narkotike;

– E. SH, me banim në Elbasan, i dënuar në Angli për trafik të lëndëve narkotike;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për verime të mëtejshme.

OFL bën me dije se të gjithë personat që iu është dërguar kërkesa me shkrim për vetëdeklarimin e burimeve të pasurisë, i kanë plotësuar formularët dhe i kanë dorëzuar pranë OFL-së, e cila ka vijuar me procedurat, sipas përcaktimit në aktin normativ nr. 1 , të datës 31 janar 2020.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.