Gjatë fjalës së tij në Kuvend ditën e sotme, ministri i Brendshëm Sandër Lleshaj e ka pranuar faktin se një sasi e gazit lotsjellës në protestat e opozitës është marrë nga Kosova.
Por nga ana tjetër Lleshaj e mohon që kjo sasi është përdorur në këto protesta dhe ka thënë se gazi që është hedhur aty është marrë nga rezervat e Policisë së Shtetit.
“Menaxhimi i protestës ishte sipas librit të shkollës më të mirë europiane të policisë. Nga ka ardhur gazi lakrimogjen i përdorur mund të kërkoni informacion. Gazi është përdorur nga rezervat e Policisë së Shtetit që ka pasur në dispozicion që prej qeverisë së mëparshme. Sigiurisht që është marrë një sasi nga Kosova por nuk është përdorur asnjëherë dhe është kthyer në dijeninë time nga është marrë”, u shpreh Lleshaj.
