LIGJET E BIZNESIT
Në fjalimin e tij në Kuvend gjatë seancës së sotme kryeministri Edi Rama ka paralajmëruar një ofensivë që e ka cilësuar shembullore dhe si asnjëherë tjetër më parë për organizatën që ai e quan KÇK, brenda sistemit të drejtësisë.
Kreu i qeverisë ka deklaruar se do ti japë ndër të tjera një fuqi të re Inspektoriatit të Lartë të Drejtësusë , duke i dhënë mundësi të reagojë menjëherë ndaj vendimeve haptazi korruptive të gjyqtarëve dhe prokurorëve.
“Është fakt se në këtë fazë kur reforma në drejtësi po zbatohet dhe vetingu pastron llumin një pjesë e llumit, gjykatësve dhe prokurorëve të korruptuar kanë hyrë në fazën e fundit të karrierës së tyre të shkurtuar nga reforma, që po i vjen fundi me një përshpejtim marramendës të aktivitetit të tyre kriminal. Këto “Aksidente” të përplasjes mes ligjit që thyhet përballë makinerisë së krimit dhe korrupsionit në sistemin e drejtësisë që nxjerr vendime që realisht dëshpërojnë edhe synojnë gjunjëzimin e opinionit publik, vendime të tmerrshme, që edhe nuk janë bërë publike që nga lirimi i të dënuarve me burg të përjetshëm për vrasje në mënyrë spektakolare të shkeljes së ligjit deri te tjetërsimet spektakolare të pronave me interes kombëtar në zonën e bregdetit.
Kemi vendosur të marrin një ofensive shembullore si asnjëherë më parë në të dyja anët e medaljes, në atë që është pasqyrë e fuqisë financiare të krimit dhe të krimit në sistemin e drejtësisë për mbrojtjen e krimit të organizuar. Ata që do të përdorin çekiçin e drejtësisë për të marrë akte kriminale, sot ne i japim një fuqi të re Inspektoriatit të Lartë të Drejtësisë, duke i dhënë mundësi kryeinspektorit të reagojë menjeherë ndaj vendimeve haptazi korruptive të gjyqtareve e prokuroreve.
Per 3 ditë pezullimin e tyre nga detyra, i japim në dorë qeverisë së re të sistemit gjyqësor KLGJ dhe KLP pezullimin e menjehershëm duke i hapur rrugë fillimit të menjehershëm të hetimeve. Këta që mendojë se duke pritur në radhë do kapin ca të kapin, do tu behet me keq se vetingu, mënjëherë verifikimi i figurës dhe i pasurisë dhe e treta, të pezulluar të verifikuar e të dalë të njollosur menjeherë hapjen e procesit penal dhe dërgimin prapa hekurave, nuk ka më në këtë vend lojë macja me miun, ku kriminelët bërtasin mes medias kapni kriminelët dhe ku opinioni nuk di më se cfarë të besojë”- tha Rama.
