“E kujt ishte makina e blinduar e Ramës?” Lefter Maliqi ‘bën për ujë të ftohtë’ Lleshajn nga foltorja e Kuvendit

Seanca e sotme në Kuvend është shoqëruar gjithashtu me tone të larta mes figurave politike të pranishme.

Një prej tyre ishte dhe deputeti i opozitës së re Lefter Maliqi i cili iu drejtua ministrit të Brendshëm Sandër Lleshaj me disa pyetje nga foltorja e Kuvendit.

Maliqi është interesuar në lidhje me aksionin më të fundit të qeverisë, të quajtur si anti-KÇK, por gjithashtu e ka pyetur Lleshajn në lidhje me makinën e blinduar “Lincoln” që përdori kryeministri Rama, menjëherë pasi Vladimir Gjuta u arrestua pranë selisë së PS me pistoletë dhe mbi 100.000 euro me vete.

“Ç’mund të na thoni ju për reportazhin e Rai3 ? Vendi është nxirë gjithandej, bandat rivale po vrasin njëri-tjetrin, ku e keni marrë këtë KÇK-në? Do i vëjnë shiritin ndonjë të afërmi deputeti? Të kujt e kishte mjetin e blinduar kryeministri Edi Rama? Ligji-antimafia e kishte të qartë, pse kishte nevojë për një ligj të ri?,”- u shpreh Maliqi gjatë fjalës së tij.