Ditën e sotme Komisioni i Pavarur i Kualifikimit ka vendosur të shkarkojë nga detyra prokurorin e Tiranës Adnand Xhelili.
Ky vendim është marrë nga KPK, sepse janë konstatuar probleme me dy pasuritë kryesore të familjes së tij, një apartament me sipërfaqe 117 m2 në Tiranë dhe një vilë tre katëshe në Borsh të Lukovës.
Nga ana ekonomike Xhelili ka deklaruar përpara komisionit gjashtë burime të ardhurash.
Konkretisht të ardhura nga paga si prokuror, si pedagog, pagën e bashkëshortes, pagën e djalit, të ardhurat nga tokat bujqësore në Borsh, të ardhura nga shtëpia e pushimeve verore për turizëm.
Emri i Adnand Xhelilit nuk është i panjohur për opinionin publik.
Ai u lakua pak kohë më parë në emisionin investigativ “Fiks fare”, ku u denoncuan sorrollatjet e një qyytetareje në zyrat e një notereje, Hipotekë, gjykatës, prokurorisë dhe përmbarimit.
Aty qytetarja shpreh shqetësimin te një notere se ka bërë kallëzim por nuk u thirr nga prokurori Adnand Xhelili.
