Rama mbledh Komitetin e Rindërtimit dhe ka një kërkesë për të gjithë banorët e prekur nga tërmeti

Mëngjesin e sotëm kryeministri Edi Rama e ka nisur duke mbledhur për herë të katërt Komitetin e Rindërtimit, në të cilin parashtrohet situata në vend pas tërmetit tragjik 6.4 ballë që goditi Shqipërinë mëngjesin e 26 nëntorit.

Kreu i qeverisë theksoi se rindërtimi do të nisë nga zonat më të prekura, konkretisht Thumana dhe Laçi.

Por Rama nuk u ndal këtu, ai drejtoi dhe një kërkesë për të gjithë banorët e prekur nga tërmeti, duke iu kërkuar kështu durim deri në përfundim të procesit dhe i siguroi ata se të gjitha qindarkat e grumbulluara do të përdoren për ta.

“Në Laç e Thumanë  ndërtimi do të nisë më shpejt sesa në zonat e tjera kemi modelet e konfirmuara të banesave individuale dhe jemi gati që të bëjmë garë të hapur ndërkombëtare. Dhe kemi po ashtu edhe të gjitha të dhënat lidhur me insititucionet e shërbimit shëndetësor dhe arsimor.

Krahasuar me proceset normale të analizës kemi ecur shumë më shpejt dhe jemi të vetëdijeshëm se njeerzit kanë pyetjen se kur do të kthehen në shtëpi. Kërkoj durimin e tyre se ne po bëjmë maksimumin. Gjithçka të jetë në kushtet optimale dhe gjithkush të marrë një shtëpi më të mirë se nga ajo që kishte.

Më vjen keq që në raste të caktuara kam parë disinformim dhe përpjekje për të njollosur procesin. I siguroj të gjithë që çdo qindarkë është në pritje të ekzekutimit të projekteve dhe ajo kërkon pak kohë të nisë së projektet duan kohën e tyre,”-tha Rama.