LIGJET E BIZNESIT
Ish-kryediplomatja e Shqipërisë, Arta Dade është e bindur se Kryeministri i vendit jo vetëm nuk ka eksperiencë në fushën e diplomacisë, por as nuk dëshiron të dëgjoje njerëzit me përvojë në këtë fushë.
E ftuar pasditen e sotme në studion e Abc News, ajo foli për politiken që ka ndjekur Rama karshi Kosovës, dhe veçanërisht ndaj Ramush Haradinajt, duke thënë se padia në gjykatë nuk bëhet as për kryeministrin e një vendi që s’ke marredhenie e jo më ndaj Kryeministrit të Kosovës.
Po kështu ajo foli edhe për sfidën e Shqipërisë si vend kryesues i OSBE-së, rolin Bushatit, lënien në hije të Gent Cakajt, etj.
Endri Xhafo: A mendoni se Rama është bërë internacionalist me mënyrën si ka vepruar me Kosovën?
Arta Dade: Rama është prirë nga show dhe jo nga substanca, si tek politika e jashtme ashtu edhe tek ajo e brendshme. Mbase nga lavdatat e ndonjë partneri ndërkombëtar, ai ka qenë i hapur ndaj Serbisë duke ka harruar se duhet të kemi faktorin shqiptar në fokus. Nëse e humbasim kartën e faktorit shqiptar si faktor stabiliteti rajonal, atëherë kemi humbur shumë. Në diplomaci varet shumë mjetet që përdor për të arritur qëllimin. Rama s’ka eksperiencë dhe nuk dëgjon njerëz me eksperiencë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Endri Xhafo: Si e shihni Kryesimin e OSBE-së dhe rolin që i ka caktuar Bushatit?
Arta Dade: Ne e morëm OSBE sepse nuk pati shumë vende që kishin vendosur kandidaturën për të marrë Presidencën e OSBE, por gjithsesi është gjë e mirë qe e ka marrë Shqipëria. Unë mendoj se qeveria ka shkuar e papërgatitur. Unë nuk besoj se ne do zgjidhim konfliktet e mëdha, por uroj që gjatë presidencës sonë të mos thellohen konfliktet.
Sa i përket Ditmir Bushatit, si i Dërguari Special në OSBE, nuk e kam kuptuar rolin që do ketë ai, sepse i Dërguari Special dërgohet zakonisht për një çështje të caktuar.
Këto kohë Rama duket i zhgënjyer nga Gent Cakaj, sepse po e sheh edhe vetë se i vendosi në shpatulla një barrë që ai nuk e mban dot. Deri më tani Rama po i shfrytëzon takimet si në emër të OSBE për të bërë PR (public relations) e vet. Është skandal që shkon duke prezantuar në kancelaritë e huaja “anti-KÇK”. U shpjegon partnerëve tanë KÇK (kap ca të kapësh) si gjetje e madhe. Kush e ka penguar Ramën të luftojë krimin e organizuar gjatë këtyre viteve edhe pa këto emra të pakuptimtë?!/Abcnews.al/
